ಕವಿತೆ: "ಜೋಗಿ"

    "ಜೋಗಿ"

ಬಂದ ಬಂದ, ಈಗ ಬಂದ, ಸುದ್ದಿ ಮಾಡಿದ "ಜೋಗಿ"!
ನಾಟ್ಯ "ಶಿವ"ಗೆ "ಪ್ರೇಮ್‍"ಅ ದರ್ಶನ ಹಿಡಿದು ಹಾಡಿದ ಯೋಗಿ!
ಎತ್ತ ನೋಡಿದರತ್ತ ಜೋಗಿ, ಜನಜಾತ್ರೆ ಬೆಳೆದು, ಬೆಳೆದು ಸಾಗಿ!
ಮೆಚ್ಚಿನ ಮಳೆ! ಕೆಚ್ಚಿನ ಹೊಳೆ! ನೆಚ್ಚಿನ ಕಳೆ! ಹೊಳೆದು ಮಾಗಿ!

ನಾಡಿನೆಲ್ಲೆಯ ಮೀರಿ, ಏರಿ, ಹೃದಯ-ರಂಗದೆ ನಲಿದು ತೂಗಿ!
ಅವರು ಇವರು ಎಲ್ಲ ಬಾಗಿ, ಮೌನವಾಗಿ! ಗೆದ್ದನೀ ಕರುನಾಡ ನೇಗಿ!
ಮನಮಂದಿರವು ತುಂಬಲಿಂದು,"ಜೋಗಿ ಜಾತ್ರೆ"ಗೆ ಎಲ್ಲ ಮುಂದು!
"ನಾನು ನೋಡುವೆ, ಮೊದಲು ನೋಡುವೆ!", ಹಿಂದಿರದ ಸ್ಫೂರ್ತಿ ಬಂದು!

ಹೊಸತು ದಾಖಲೆಯೆನಿತೊ ಇಂದು! ಕರುನಾಡ ಮಡಿಲಿಗೆ ಕೀರ್ತಿ ಸಂದು,
"ಆಪ್ತಮಿತ್ರ"ನೀ ಜೋಗಿ ಇಂದು! ಶ್ರೀಗಂಧ ಗುಡಿಯ ಸಿರಿಯ ಸಿಂಧು!
ಹರಡಲೆಲ್ಲೆಡೆ ಜೋಗಿ ಜ್ವರವು, ಬಯಕೆ ಮೂಡಿತು ಮನದಲಲ್ಲಿ
ಹಮ್ಮಿನ ನೆರೆಹೊರೆಗಳೀಗ, ನಿಜ ಸೋತು ಬೇಡುವ ಕೈಗಳಿಲ್ಲಿ!

ಮೋಡ ಮುಸುಕು ಸರಿಯಿತೀಗ, ಕನ್ನಡದ ಗರಿಮೆ ತಿಳಿಯಿತೀಗ,
"ಜೋಗಿ"ಯೆ ನವ ಯುಗದ ಯೋಗ! "ಜೋಗಿ"ಯೆ ನವ ಭಾವ ಜೋಗ!


                             ರಚನೆ  - ಸಂತ (ಸ.ಗು.ಸಂತೋಷ್)
                                    ತಾರೀಖು - ೨೩/೦೮/೦೫