ಕವಿತೆ: ಬೆಸುಗೆಯ ಒಸಗೆ

           "ಬೆಸುಗೆಯ ಒಸಗೆ" 
           ************
 ನಿಮ್ಮ ಪತ್ರವ, ಅಲ್ಲಿ ಭಾವ ಚಿತ್ರವ ; ಕಂಡು ಹಿಗ್ಗಿದೆ ಜೀವ, ಚೈತ್ರ ಸಂಭ್ರಮ
 ಪ್ರೀತಿ ಸೋದರಿ ಎನ್ನ ಪ್ರಾಣ ಸ್ನೇಹಿತ ; ಕಾಣೆ ಇಂಥಹ ಬೆಸುಗೆ, ದಿವ್ಯ ಅನುಪಮ

\೧\
ಮನದಾಳ ನೋವುಗಳನ್ನ, ತಿಳಿಸದೆಯು ತಿಳಿಯುತ ಹೇಗೊ,
   ತಂಪಾದ ಮಾತಿನಲ್ಲಿ ನೀ ತಣಿಸುವ ರೀತಿ
 ಸಿಹಿಯಾದ ಮಾತುಗಳಲ್ಲಿ, ಒಂದೊಂದೆ ನೆನಪನು ಚೆಲ್ಲಿ,
   ಮೊಗದಲ್ಲಿ ನಗೆಯ ತಂದು ನೀ ನಲಿಸುವ ರೀತಿ
 ಸಿರಿ ತೋರಲು, ಸುಖ ನೀಡಲು, ಮನ ಸೋತಿದೆ
 ನಿಜ ನಿಜ ನಿಜ ಗೆಳೆಯ
\೧\

\೨\
 ಕೆಲವೇನೆ ತಿಂಗಳ ಹಿಂದೆ, ಕೈಹಿಡಿದು ಗೆಳೆಯನ ಬಂದು,
   ನಗೆನುಡಿಯ ಹನಿಸಿ ನಿತ್ಯ ನೀ ಬೆರೆತಿಹ ರೀತಿ
 ಹೊಸತಾಗಿ ನಂಟನು ಬೆಸೆದು, ಸೋದರಿ ಪ್ರೀತಿಯ ಎರೆದು,
   ಉಲ್ಲಾಸ ಹೊಸತನು ತಂದು ನೀ ನಲಿಯುವ ರೀತಿ
 ಈ ಜೀವಕೆ, ನವ ಭಾವಕೆ, ಬೆಳಕಾಗಿದೆ
 ನಿಜ ನಿಜ ನಿಜ ತಂಗಿ
\೨\
*******************************************************************************
ಪೇರಣೆ: ಆತ್ಮೀಯ ಗೆಳೆಯ ಕೆ.ರಾಘವೇಂದ್ರ ಹಾಗು ನಲ್ಮೆಯ ಸೋದರಿ ಶ್ರೀವಿದ್ಯಳ ನಿರ್ಮಲ, ಉತ್ಕಟ ಅಕ್ಕರೆ, ಸ್ನೇಹ, ಒಲವಿಗೆ, ನಾನು ಶೃತಿ ಇಬ್ಬರೂ ನಿಬ್ಬೆರಗಾಗಿ ಆಹ್ಲಾದದಿಂದ ಮನ ಸೋತಿದ್ದೇವೆ...ಮನಸ್ಸಿನ ಭಾವಕ್ಕೆ ಹೊಸತನ ದೊರೆತಿದೆ...

       ರಚನೆ - ’ಸಂತ’ (ಸ.ಗು.ಸಂತೋಷ್)
       ತಾರೀಖು - ೧೯/೦೩/೨೦೦೯