ಕವಿತೆ: ’ಖರ’ಪುಟ

           ’ಖರ’ಪುಟ

’ಖರ’ಪುಟದ ಸಡಗರದಿ, ಪ್ರಕೃತಿಯ ಸಂಭ್ರಮದಿ
ಮಿತ್ರ, ಮೌನ ಇಣುಕಿಸಿ ನೀ ಏಕೆ ಕುಳಿತೆ?

ಎಲ್ಲೆಲ್ಲೂ ಹೊಸ ಹೊಳಪು, ಜೀವನದಿ ನವ ಹುರುಪು
ಹೊಸ ಆಸೆ, ಹೊಸ ಚಿಗುರು, ಹೊಸ ಕನಸು, ಹೊಸ ಉಡುಪು
ಹಳೆ ನೆನಪು ಬಾರದೆ ಮರೆಯಾಯಿತಿದಕೆ?
ಎಲ್ಲೆಲ್ಲೂ ರತ ಗಾನ, ಬುವಿಯೆ ಸ್ವರ್ಗದ ತಾಣ

ಋತ ಗಾನ, ಪಿಕ ಗಾನ, ಹಬ್ಬ ಹರಿದಿನ ಧ್ಯಾನ
ಸಖಗೀತ ಕೇಳಿಸದೆ ಮರೆಮಾಚಿತಿದಕೆ?
ಎಲ್ಲೆಲ್ಲೂ ಪಚ್ಚೆ ಪೈರು, ನಿತ್ಯ ಉತ್ಸವದ ತೇರು
ಬಣ್ಣ ಬಣ್ಣದ ಹೂವು, ಕಂಪೆಲರು, ಮೈ ಮರೆವು!

ನಮ್ಮೈ ಮೈತ್ರಿ ಮಲ್ಲಿಗೆ ಮಸುಕಾದುದಿದಕೆ?
ಎಲ್ಲೆಲ್ಲೂ ಸಿರಿ ಸುಗ್ಗಿ, ಇಂದ್ರಿಯಗಳು ಹಿಗ್ಗಿ,
ನಲವು ಗೆಲವು ಸಾಗಿ, ಎಲ್ಲ ಹೋಳಿಗೆಯಾಗಿ
ನಮ್ಮ ಮಧು ಮೈತ್ರಿ ಹೂರಣವಾದುದಿದಕೆ?


                               ರಚನೆ - ’ಸಂತ’ (ಸ.ಗು ಸಂತೋಷ್)
                                        ತಾರೀಖು - ೨೭/೦೬/೧೧